विश्वमा भएका ख्रीष्टिय मण्डलीहरूका आराधना सभा संचालन शैलीहरू फरक फरक रहेको पाइन्छ। कतिपया मण्डलीहरूमा संगीत समूहद्वारा भजन तथा गीतहरू गाउने कार्यहरूमा लामो समय लिएको पाइन्छ। त्यसपछि सूचना तथा जानकारीहरू गराउने गरिएको पाइन्छ। अन्तमा प्रवचन दिने गरिएको पाइन्छ। प्रवचन समय अत्यन्तै छोटो दिइएको पाइन्छ। कतिपया मण्डलीहरूमा भजन गाउने कार्यलाई अत्यन्तै छोटो समय दिइएको तर प्रवचनलाई लामो समय दिइएको देखिन्छ। कतिपया मण्डलीहरूमा रीतिविधिहरूलाई बढावा दिइएको देखिन्छ। प्रार्थनाहरू हृदयबाट अभिव्यक्त नगरी प्रकाशित पुस्तकबाट पढ्ने, मैनवत्ती वाल्ने, क्रूसलाई ढोग्ने लगायतका अबाइबलीया रीतिविधिहरू गरिरहेको पाइन्छ। शिक्षामा पनि विभिधता पाइन्छ। पवित्र शास्त्र बाइबलमा शिक्षामा स्थिर भई अगमवक्ताहरू, प्रेरितहरूद्वारा प्रकाशित परमेश्वरका सत्यतामा रहेर सिकाउनुपर्ने तथ्य स्पष्ट गरी उल्लेख भएका छन्। साथै मण्डली सभा शैली, विधि संबन्धमा कतिपया तथ्यहरू बाइबलमा स्पष्ट रूपमा उल्लेख गरिएका छन्। पावल प्रेरितले १ कोरिन्थी १४:२६ मा मण्डली भेला हुँदा गरिनुपर्ने कार्यहरू र उद्देश्य उल्लेख गरेका छन्, “जब तिमीहरू भेला हुन्छौ, तब तिमीहरूमध्ये हरेकसंग भजन हुन्छ, शिक्षा हुन्छ, भाषा हुन्छ, प्रकाश हुन्छ, अनुवाद हुन्छ। सबै कुराहरू उन्नतिका निम्ति नै गरिऊन्।” प्रेरितहरूको शेषपछि कतिपया वरदानहरूको अन्त भएको थियो जसमध्ये विश्वास नगर्नेहरूका निम्ति परमेश्वरबाट चिन्ह स्वरूप दिइएको वरदान अन्यभाषा एक हो (१ कोरिन्थी १४:२२)।

येशू ख्रीष्टलाई मेरो साथी मान्नु एक अद्भुत अनुभव हो। उहाँले मेरो जीवनमा साथ दिनुभएको छ। जसले मलाई शक्ति, आशा, र प्रेमको अनुभव गराउँछ। येशू मेरो साथी हुनुमा मैले आत्मिक सन्तुष्टि पाएको छु। मेरो एउटा साथी हुनुहुन्छ। उहाँ मेरो अहिलेसम्मकै सबैभन्दा मिल्ने साथी हुनुहुन्छ। उहाँ यति दयालु र सत्य हुनुहुन्छ कि तपाईंले पनि उहाँलाई चिन्नुभएको होस् भन्ने म चाहन्छु। उहाँको नाम येशू हो। कति अचम्म उहाँ तपाईंको पनि साथी बन्न चाहनुहुन्छ! उहाँको बारेमा मलाई केही भन्न दिनुहोस्। यो सत्य वाइबलिय कथा हामी बाइबलमा पढ्छौं। बाइबल सत्य छ। यो परमेश्वरको वचन हो। संसार र यसमा भएका यावत् थोक बनाउने परमेश्वर हुनुहुन्छ। उहाँ स्वर्ग र पृथ्वीको प्रभु हुनुहुन्छ। उहाँले सबै थोकलाई जीवन र सास दिनुहुन्छ। येशू परमेश्वरको पुत्र हुनुहुन्छ। परमेश्वरले उहाँलाई स्वर्गबाट पृथ्वीमा हाम्रो आफ्नै मुक्तिदाता हुनको निम्ति पठाउनुभयो। परमेश्वरले संसारलाई यस्तो प्रेम गर्नुभयो (अर्थात् उहाँले तपाईं र मलाई प्रेम गर्नुभयो) कि उहाँले आफ्ना एकमात्र पुत्र, येशू, (हाम्रो पापको निम्ति मर्नको लागि) दिनुभयो, ताकि उहाँमाथि विश्वास गर्ने कोही पनि नाश नहोस्, तर त्यसले अनन्त जीवन पाओस्। (बाइबलमा भएको यूहन्नाको पुस्तकको ३ अध्यायको १६ पदमा लेखिएको छ) येशू यस पृथ्वीमा सानो बालकको रूपमा आउनुभयो। पृथ्वीमा उहाँको बुवा योसेफ र आमा मरियम हुनुहुन्थ्यो। उहाँ गोठमा जन्मनुभयो र डुँडमा पस्रनुभयो। येशू आफ्नो बुवाआमाको साथमा हुर्कनुभयो र उहाँले बुवाआमाको आज्ञा पालन गर्नुभयो। उहाँले आफ्नो बुवा योसेफलाई सिकर्मी काममा सहायता गर्नुभयो। जब येशू परिपक्व मानिस हुनुभयो, उहाँले मानिसहरूलाई उहाँको स्वर्गमा हुनुहुने पिताको बारेमा सिकाउनुभयो। परमेश्वरले मानिसहरूलाई प्रेम गर्नुहुन्छ भन्ने कुरा उहाँले तिनीहरूलाई देखाउनुभयो। उहाँले रोगीहरूलाई निको पार्नुभयो र कष्टमा परेकाहरूलाई सान्त्वना दिनुभयो। उहाँ बालबालिकाहरूको साथी हुनुहुन्थ्यो। बालबालिकाहरू उहाँको नजिक आएको उहाँले चाहनुहुन्थ्यो। तिनीहरूसँग पनि उहाँले समय बिताउनुभयो। बालबालिकाहरूले येशूलाई प्रेम गर्थे र उहाँसँग हुन रूचाउथे। केही मानिसहरूले येशूलाई रूचाउँदैन थिए। तिनीहरूले उहाँलाई ईर्ष्या गर्थे, र उहाँलाई घृणा समेत पनि गर्थे। तिनीहरूले उहाँलाई यति बिघ्न घृणा गर्थे कि तिनीहरूले उहाँलाई मार्न चाहे। एक भयावह दिनमा तिनीहरूले येशूलाई क्रूसमा काँटी ठोकेर मारे। येशूले केही गल्ती गर्नुभएको थिएन। उहाँ हाम्रो सट्टामा मर्नुपर्थ्यो किनकि तपाईंले र मैले गल्ती गरेका थियौँ। येशूको कथा उहाँको मृत्युसँगै टुङ्गिँदैन। परमेश्वरले उहाँलाई मृतकबाट उठाउनुभयो! उहाँका चेलाहरूले उहाँलाई देखे। अनि उहाँ स्वर्ग फर्कनुभयो। आज उहाँले तपाईंलाई देख्न र सुन्न सक्नुहुन्छ। उहाँलाई तपाईंको बारेमा सबै कुरा थाहा छ र उहाँले तपाईंको वास्ता गर्नुहुन्छ। केवल प्रार्थनामा उहाँकहाँ आउनुहोस्। आफ्नो ह्रदय वदल्नुहोस र सम्पूर्ण पापबाट फर्कनु होस ताकि तपाईलाई उहाँले नयाँ जीवन दिनुहुन्छ ताकि तपाईले फेरि कहिल्यै पछुतो गर्नु नपर्ने जीवन पाउनुहन्छ। उहाँ तपाईलाई ज्यादै प्रेम गर्नुहन्छ। तपाई पापी भएर पनि उहाँ तपाईलाई सांचो धार्मिकता र मुक्ति दिन चाहनुहुन्छ के तपाई उहाँलाई आजै स्वीकार गर्नुहुन्छ। यसैले, हामी सबै येशूको प्रेममा आशिषित बन्न सक्छौं, जसले हाम्रो जीवनमा परिवर्तन गर्नुहुन्छ र हामीलाई नयाँ मार्गमा हिँड्न सहायता प्रदान गर्नुहुन्छ । आमेन ।।